Ása sá alfarið um hönnun vörumerkisins Fönn Ráðgjöf, þar á meðal brand guide, lógó, litaval, leturgerð og uppsetningu á vefsíðu. Það er einstaklega gott að vinna með Ásu, hún er fagmannleg, fljót að átta sig á um hvað málið snýst og setur hönnunina í skýrt samhengi við markmið og væntingar viðskiptavina sinna. Ég var sjálf með frekar óljósar hugmyndir um hvernig vörumerkið ætti að líta út og skipti oft um skoðun á meðan á ferlinu stóð. Ása sýndi mikla þolinmæði, hlustaði vel, spurði réttu spurninganna, og fann lausnir. Útkoman uppfyllti allar mínar væntingar og endurspeglar það sem Fönn Ráðgjöf stendur fyrir. Ég gæti ekki verið ánægðari með útkomuna og hlakka mikið til að vinna með henni aftur.

— Sandra Mjöll, Fönn Consulting ehf.

"Ása hannaði vefsíðuna mína og gerði ótrúlega vel. Hún kom með frábærar hugmyndir, var mjög fagmannleg og ótrúlega hjálpsöm í gegnum allt ferlið. Ótrúlega skapandi og nákvæm sem skipti ótrúlega miku máli í lokaniðurstöðunni. Ég mæli eindregið með henni."

— Ingunn, Innanhússhönnuður & stílisti, IB Interior

„Ása hefur hannað fyrir mig bæði Lotusþjálfun og Tónar lífsins og staðið sig framúrskarandi í báðum verkefnum. Hún er einstaklega hugmyndarík, kemur með skýrar og skapandi lausnir og sér tækifæri sem styrkja heildarmyndina og vörumerkið.

Samskiptin eru skilvirk og fagleg, hún bregst hratt við og heldur utan um ferlið af öryggi og festu. Það er einfaldlega frábært að vinna með Ásu og ég mæli eindregið með henni til þeirra sem vilja sterka, vandaða og faglega vefhönnun.“

— Ingunn Ragna Sævarsdóttir, Lotus Þjálfun & Tónar Lífsins